Moondkappies

Ak noe wat kunnigheid veurbiej ziej kom
Dan ken ik heur ja hoast niet meer
Met det moondkapje liek ziej zo aanders
Dan vroag ik miej of, wiej was det ok weer?

Kottens kwam ik een koorlid teegn
Hee kwam toch zo aanders veurn dag
Een kaal heuft en bril metn blauw kappie
Ik scheut meteen doar in de lach.

Zo’n moondkappie det is mangs ok lastig’
As de brilglaze oe besloagen goat
Iej komt thuus met vekeerde bosschop
Woar aaj zovölle in’t aanrecht hebt stoat.

En doarbiej aaj oe goeie klere an hebt
Hef de kapper oe hoar netties edoan
Dan lik zo’n moondkappie oh zo lellik
Ik vin miej zolf det echt niet stoan.

Pas wak in de super veur een bosschop
Een man den kwam miej bekend doar veur
Hee zet ziene pette of ,en ik zag toe
Het was toevallig mien oalste breur..

Fenny Marters Berends